duniya bhar mein praacheen misr kee bastiyaan

duniya bhar mein praacheen misr kee bastiyaan

 

Misr Praacheen Duniya Ka Sabase Prabhaavashaali, Abaad Aur Prasiddh Desh Tha, Jisaki Pushti Diodorus Ne Apni Pustak 1 (31, 6-9) Me Ki Hai,

Aabaadi Ke Ghanatva Ke Hisaab Se Praacheen Kaal Ke Sabhi Gyaat Kshetraon Me Misr Sabase Adhik Abaad Ilaaqa Tha, Aur Aaj Ke Zamaane Me Bhi Ise Doosare Paayadaan Par Dhakelane Vaala Koyi Nahi Hai… Unake Anusaar Puraane Zamaane Me Unaki Kul Abaadi 70 Laakh Thi Aur Yah Sankhya Hamaare Jamaane Me Bhi Jas Ki Tas Hai.

Herodotus Ne Pushti Ki Hai Ki Amaasis Ke Shaashankaal Ke Dauraan Misr Me 20,000 Abaad Shahar Maujood The.  Diodorus Ke Anusaar 18,000 Bade Gaanv Aur Kasbe Maujood The, Aur Usaka Kahana Tha Ki, Ptolemya Lagus Ke Daur Me Unaki Sankhya 30,000 Se Bhi Zayaada Thi. Josephus Ne Vespasian Ke Shaashankaal Men, Neel Nadi Ki Ghaati Me 75 Laakh Ki Abaadi Ka Anumaan Lagaaya Tha, Jo Alexandria Ke Atirikt Tha, Jisaki Abaadi 800,000 Ke Asapaas Thi.

Upari Taur Par Dekhane Se, Praacheen Misr Duniya Ke Baaki Hisson Se Prithak Aur Akela Dikhaayi Deta Hai, Jise Neel Nadi Ki Sankari Ghaati Ki Registaani Patti Ne Alag-Thalag Kar Diya Ho. Fir Bhi Misravaasi Anya Deshon Ke Saath Lagaataar Sampark Me The. Plutarch, Herodotus Tatha Diodorus Jaise Praacheen Lekhakon Ne Bataaya Hai Ki Kis Prakaar Poore Vishv Me Praacheen Misr Ke Shaantipoorna Upanivesh Phaile Hue The. Sicilya Ke Diodorus, Ne Apni Pustak 1 (29, 5) Me Kaha Hai:

Aamataur Par, Misravaasi Bataate Hain Ki Unake Poorv Rajaon Ke Utkars Tatha Atyadhik Janasankhya Ke Kaaran Unake Poorvajon Ne Dher Saare Upaniveshon Ko Duniya Ke Kayi Abaad Hisson Me Bheja Tha.

Diodorus, Ne Apne Pustak 1, (28, 1-4) Me Likha Hai Ki Unhen Asia Aur Europe Me Misr Ke Kuchh Shaantipoorna Upaniveshon Ke Baare Me Bataaya Gaya Tha:

…Duniya Ke Samast Abaad Ilaaqon Me Badi Sankhya Me Misri Upanivesh Phaile Hue The. Udaaharan Ke Liye, Babylon Me Upaniveshiyon Ka Netritva Belos Ke Haath Me Tha, Jise Poseidon  Aur Libiya Ka Beta Maana Jaata Tha…

…Ve Yah Bhi Kahate Hain Ki Kuchh Log Isi Prakaar Danaus Ke Saath Misr Se Nikale, Ve Yunan Ke Sabase Puraane Shahar Argos Me Base, Aur Saath Hi Pontus Me Colchi Ki Qaum Tatha Arab Aur Syria Ke Beech Sthit Yahoodi, Bhi Unake Desh Ke Kuchh Pravaasiyon Dvaara Upaniveshon Ke Roop Me Sthaapit Hue The…

Asia Aur Europe Me Misri Upaniveshon Ki Pratistha Ke Adhaar Par, Unhonne Apne Naye Upaniveshon Vaale Deshon Me Kaafi Mahatvapoorna Bhoomika Nibhaayi. Diodorus Ne Apni Pustak 1, (28,6-7) Me In Naye Upaniveshon Ke Shaasakon Ke Roop Me Misri Upaniveshiyon Ki Mahatvapoorna Bhoomikaaon Par Charcha Ki Hai:

Isake Alaava Ve Kahate Hain, Ki Athens Ke Kuchh Shaasak Mool Roop Se Misri The. Udaaharan Ke Liye, Petes (Jise Iliad 2. 552. Me Peteus Kaha Gaya Hai) Jo Troya Ke Khilaaf Yuddh Me Bhaag Lene Vaale Menestheus Ka Pita Tha, Spasht Roop Se Ek Misri Tha, Jisane Baad Me Athens Ki Naagarikata Aur Baadashaahat Haasil Ki.

Diodorus, Ne Apni Pustak 1 (29, 1-5) Me Yah Bhi Kaha Hai:

Ve Age Bataate Hain, Theek Isi Tarah Se, Erechtheus Bhi Janm Se Ek Misri Tha Jo Athens Ka Raja Bana… Erechtheus, Misr Ke Saath Apne Nasleeya Sambandhon Ke Kaaran Vahaan Se Anaaj Ki Ek Badi Khep Athens Lekar Aya, Isase Laabhaanvit Hue Logon Ne Is Ehasaan Ke Badale Use Apna Raja Bana Diya. Apna Sinhaasan Surakshit Karane Ke Baad Usane Eleusis Me Demeter Ke Deeksha Sanskaar Ko Sampann Kiya Tatha Misr Se Anusthaanon Ko Vahaan Sthaanaantarit Karake Rahasyon Ki Sthaapna Ki… Aur Athensavaasiyon Ke Liye Unake Balidaan Tatha Praacheen Samaaroh Ka Vaisa Hi Mahatva Tha Jaisa Misravaasiyon Ke Liye…

…Attica Ke Adhik Mahatvapoorna Dhaarmik Samaarohon Ke Prabhaari, Pastophoroi Ve Misri Pujaari The Jo Juloos Me Devataaon Ke Chhote-Chhote Mandir Lekar Chalate The. Ve Ikalaute Yunani The Jo Isis Ki Kasam Khaate The, Aur Unaka Rahan-Sahan Aur Taur-Tareeqa Misriyon Se Behad Milata-Julata Tha.

Herodotus (500 B.C.) Ka Kahana Tha, Ki Ve Dorian Shahar Halicarnassus Se Ae The. Usane, The Histories, Book 6, (Khanda 53-55) Me Daoreeyanon Tatha Misr Ke Beech Sambandhon Ka Spasht Roop Se Varnaan Kiya Hai:

(53) …Yaadi Koyi Peedhi Dar Peedhi, Dorians Ke Pramukh Acrisius Ki Beti Danaë Ki Vanshaawali, Ka Pata Lagaaye To Ve Asali Misri Saabit Honge.

(55) …Is Baare Me Bahut Kuchh Kaha Gaya Hai. Doosare Vivaran De Chuke Hain Ki Misri Hone Ke Baavajood Ve Kya-Kya Upalabdhiyaan Haasil Karake Aur Kaise-Kaise Dorians Ke Raja Bane, Isaliye Main Un Baaton Me Nahi Jaayoonga. Main Un Cheezon Ko Darj Karoonga Jise Doosaron Ne Nahi Kiya Hai.

Herodotus, Ne Upar (55), Bataaya Hai Ki Yah Tathya Usake Samaya (500 B.C.) Me Aam Jaanakaari Thi Jisaka Ullekh Karana Bahut Zaroori Nahi Tha. Herodotus Dvaara Doriano Aur Misriyon Ke Beech Anya Sambandhon Ke Sandarbh Kayi Baar Diye Gaye The, Jaise The Histories, Book 2, (Khanda 91) Men.

Aur Ant Men, Ek Baat Ka Dhyaan Rakhana Behad Zaroori Hai Ki, Praacheen Misri Abhilekhon (Saath Hi Anya Kshetraon Ke Abhilekhon) Me Sansaar Ke Jagahon Ke Aise Anaginat Naam Hain, Jinhen Ham Aaj Nahi Pahachaanate. Sthaanon, Jaateeya Samoohon Aur Deshon Ke Naam Badalate Rahate Hain. Udaaharan Ke Taur Par, Sirf 100 Saal Pahle Ke Europeeya Deshon Ke Namon Ko Aajkal Ke Adhikaansh Europeeyan Nahi Pahachaan Sakate. Ab Se Kuchh Saadiyon Baad, Inase Jude Abhilekh Jab Antatah Gum Ho Jaayenge, Tab In Deshon Ke Naam Poori Tarah Se Anajaan Ban Jaayenge.

Duniya Ke Bahut Se Jagahon Par, Aise Saanvale/Gehune Rang Vaale Logon Ka Zikr Milata Jinhonne Sansaar Ke Bahut Saare Ilaaqe Me Gyaan Ka Prasaar Kiya. Ve Is Prakaar Varnait Hain:

  1. Vishesataaon Aur Mool Se ‘‘Poorvi’’.
  2. Gairaladaaku Log Jo Sthaaneeya Abaadi Ke Beech Shaantipoorvak Bas Gaye.
  3. Dhaatu Vigyaan Me Atyadhik Unnat, Jinhonne Badi Maatra Me Dhaatu Ke Utpaadon Ka Nirmaana Kiyaa
  4. Bahut Hi Sangathit Aur Prabandhan Me Behad Pratibhashali.
  5. Shushk Mausam Ki Kheti, Sinchaayi, Ityaadi Me Atyadhik Unnat.
  6. Anubhavi Nirmaata Aur Kaareegar, Jinhonne Bade-Bade Pattharon Ke Maqabaron Aadi Ka Nirmaana Kiya.
  7. Jeevavaadi Vishvaas Vaale Behad Dhaarmik Log.

Uparokt Saare Vivaran Keval Ek Desh—Misr Par Laagu Ho Sakate Hain. Bhoomadhyasaagareeya Basin Ke Sabhi Logon Ki Maukhik Paramparaaon, Jaateey-Itihaason Aur Puraataatvik Sabooton (Pramukh Bastiyon, Maqabaron, Khanan Gatividhiyon, …) Aadi Ko Ek Saath Rakhen, To Ham Yah Dekh Sakate Hain Ki Ye Sabhya Navaagntuk Keval Neel Nadi Ki Ghaati Se Ane Vaale Hi Ho Sakate Hain.

Misr Se Pravaasan Ki Ghatana Kayi Baar Huyi. Yah Praacheen Misri Ghatanaaon Se Kaafi Kareeb Se Sambandhit Tha. Kuchh Ne Vyavasaayik Samparkon Ki Taalaash Me Samriddhi Ke Samaya Yah Kadam Uthaaya. To Adhikatar Ne Apne Kathin Daur Me Yah Raasta Akhtiyaar Kiya.

Bheetari Africa Aur Sub-Sahaaran Africa Ki Or Hone Vaale Misri Pravaasan Ke Baare Me Adhik Jaanakaari Ke Liye Padhen, Moustafa Gadalla Dvaara Likhit Pustak: Exiled Egyptians: The Heart Of Africa

Iberiaayi Praayadveep Ki Or Hone Vaale Misri Pravaasan Ke Baare Me Adhik Jaanakaari Ke Liye Padhen, Moustafa Gadalla Dvaara Likhit Pustak: Egyptian Romany: The Essence Of Hispania

 

[isaka ek ansh:Praacheen Misri Sanskriti Ka Rahasyodghaatan -Vistaarit Dviteeya Sanskaran dvaara likhit Moustafa Gadalla]

par pustak saamagree dekhen https://egypt-tehuti.org/product/praacheen-misri-sanskriti-ka-rahasyodghaatan/


Egyptian Romany: The Essence of Hispania, 2nd ed.

par pustak saamagree dekhen https://egypt-tehuti.org/product/egyptian-romany-essence-hispania-2nd-ed/

————————————————————————————————————————-

Pustak kray aautalet: 

e – printed peparabaik amejan se upalabdh hain.

—–
bee – peedeeeph praaroop mein upalabdh hai …
i- svaroop vikalp daeen or.
ii- googlai pustaken aur googlai play
—–
ch- mobee praaroop mein upalabdh hai …
i- svaroop vikalp daeen or.
ii- amezan
—–
d- eepab praaroop mein upalabdh hai …
i- daeen or ithai praaroop vikalp.
ii- googlai pustaken aur googlai play
iii- ibooks, kobo, b & n (nook) aur smashwords.chom