Netaroo— Divya Urja

Neteru—Divya Urja

 

1. Srijanapoorv Prarambh-Nun-Shoonyata

Misr Ka Pratyek Srijan Shastra Isi Buniyadi Vishvas Ke Sath Shuru Hota Hai Ki Srishti Se Pehle, Charon Taraf Ek Anant, Aseem Aur Avyavasthit Ityadi Taral Kunda Tha. Misravasi Is Brahmandiya Sagar/Jaleeya Kolahal, Ko Nu/Nyi/Nun/—Tatvon Ki Adhruvikrit Avastha Kehte The. Jal Nirakar Hota Hai, Yeh Khud Se Koi Bhi Akar Nahi Leta, Aur Na Hi Yeh Kisi Akar Ko Grahana Karne Ka Pratirodh Karta Hai.

Vaigyanik, Brahmanda Ki Utpatti Se Pehle Kunda Vali Pracheen Misri Vyakhya Se Sahamat Hain. Vaigyanik, Is Kunda Ko Neutron Soup Kehte Hain, Jahan Na To Electrons Hain Aur Na Hi Proton, Balki Keval Neutron Maujood Hain, Jo Vishal Akar Ke Behad Ghane Nabhik Ka Nirman Karte Hain.

Srishti Se Pehle Ki Is Kolahal Bhari Avastha Ka Karan Tatvon Ka Sampeedan Tha, Arthat Paramanau Apne Samanya Avastha Mein Nahi The, Balki Ve Ekdoosre Ke Sath Itani Saghanata Se Bhinche Hue The, Ki Ek Samanya Paramanau Dvara Gheri Jane Vali Jagah Jitane Sthan Mein Kayi Paramanau Nabhik Thuns Gaye The. Aisi Halat Mein, In Paramanauon Ke Electrons Apani Kakshhaon Se Bahar Nichud Gaye, Aur Svatantra Roop Se (Avara Halat Mein) Idhar Udhar Vicharan Lage.

Nu/Nyi/Nun Ek Atmagat Astitva Hai, Jo Srijan Se Pehle Ki Aparimit, Aparibhashit, Gair-Vibhedit Urja/Tatva Hai, Yeh Jad Ya Nishkriya Avastha Ka Prateek Hai Jo Apne Roopantarana Ka Karan Nahi Ho Sakta Hai.

Nisandeh “Anant” Shabd “Aparimit”, Aparibhashit, Aseemit, Nirakar, Avibhedit Jaise Shabdon Ka Paryaya Hai.

Iska Matlab Yeh Hai Ki Jis Urja/Tatva Se Sabhi Cheezon Ka Srijan Hua, Use Avashya Hi Apne Tatvik Avastha Mein Asrijit, Aparibhashit, Avibhedit Ityadi Hona Chahie. Agar Jagat Ki Adharabhoot Samagri Ki Koi Tatvik Paribhasha (Svaroop) Hui, To Vah Uske Aseem Mein Tabdeel Hone Ki Kshamta Ko Seemit Kar Degi. Iske Tatvik Paribhasha Ka Na Hona, Ishwar Ki Srijanatmak Sarvashaktimatta Ke Liye Param Avashyak Hai.

 

2. Chaliye Srishti Ko Armbh Hone Diya Jaye

Srishti Poorv Ke Neutron Soup Mein Sanghanit Urja Lagatar Badhti Ja Rahi Thi. Kareeb 15 Arab Sal Pehle, Yeh Sanghanit Urja Jab Apani Adhikatam Ekagrata Par Ja Pahunchi, To Visfot Hua Aur Vistar Prarambh Hua.

Is Visfot Ke Zoradar Awaz Ke Karan Brahmanda Ke Ghatak Bhag Toot Gaye.

Thik Isi Tarah, Pracheen Misri Lekh Bhi Bar-Bar Zor Dekar Ishwar Ke Adesh Vali Awaz Ki Bat Doharate Hain- Arthat Adesh Vali Dhvani Srijan Ka Karan Thi.

5,000 Sal Purane Pracheen Misr Ke Sabse Purane Prapt Lekh, Shabd Ko Jagat Ke Srijan Ka Karan Batate Hain. Vishv Ka Sabse Pracheen Likhit Lekh, Misr Ki, Ujale Mein Ane Ki Pustak (Jiska Amtaur Par Mritakon Ki Pustak Ke Roop Mein Galat Anuvad Kiya Gaya) Mein Kaha Gaya Hai:

”Main Anant Hoon … Maine Hi Shabd Ko Utpann Kiya … Main Hi Shabd Hoon …”

Hamein Yehi Bat, (Tut-Ankh-Amen Ke Dharmsthalon Mein Payi Jane Vali) Divya Gaya Ki Pustak Mein Bhi Milati Hai Ki Mahaz Shabdon Ke Uchcharan Se Swarg Aur Uske Devta Astitva Mein Aye, Jiski Dhvani Matr Ne Hi Sabhi Cheezon Ko Utpann Kar Diya. Jaise-Jaise Vastuon Ka Nam Liya Gaya, Vaise-Vaise Vo Sari Vastuen Astitva Mein Ati Chali Gayi.

Nam Ke Vastavikata Mein Ate Hi, Vastuen Bhi Vastavik Ban Gayin. Doosre Shabdon Mein, Pratyek Dhvani Vishesh Ki Ek Sadrish Akriti Bhi Hai. Adhunik Vigyan Ne Bhi Svaroop Aur Dhvani Tarng Ki Avritti Ke Beech Ek Seedhe Sambandh Ki Pushti Ki Hai.

Vaigyanik Dristi Se Shabd (Koi Bhi Shabd) Ek Kampanyukt Jatil Tatva Hai, Jo Asthir Avritti Aur Teevr Gati Vali Ek Tarng Hoti Hai. Doosre Shabdon Mein, Hava Ke Kanon Ki Gati Aur Sthanon Mein Ulatafer Dvara-Hava Ke Kanon Ke Snpeedit Hone Se Dhvani Utpann Hoti Hai, Yani, Arthat Svaroop Ki Rachana Hoti Hai. Pratyek Dhvani Tarng Avritti Ka Ek Apana Jyamiteeya Svaroop Hota Hai.

Divya Dhvani Ne, Nun Mein Sambhavit Nishkriya Urja/Tatva Ko Vibhedit, Vyavasthit, Sanrachit-Gatij Urja- Bana Brahmanda Ke Ghatakon Mein Parivartit Karke, Vastuon, Vicharon, Balon Aur Bhautik Cheezon Ke Roop Mein Dhal Diya.

Jab Ek Prakar Ki Urja (Sambhavit), Doosre Prakar Ki Urja (Gatij) Mein Parivartit Hoti Hai, To Sampoorna Brahmanda Aur Uske Ghatak Janm Lete Hain.

Sab Kuchh Urjaon Se Hi Hai.

 

3. Atam — Prakat Bhautik Urja

Jaisa Ki Hamne Dekha, Srishti Asrijit Avastha Se Utpann Hui Thi. Misravasi Ise Nun Kehte The. Rikt Ya Shoonya Bhi Brahmanda Ke Srijan Ke Poorv Ki Avastha Ka Pratinidhitva Karta Hai. Koi Brahmanda Nahi: Kuchh Bhi Nahi, Shoony, Zero. Brahmanda Ki Aisi Avastha, Atmagat Astitva Hone Ke Nate — Aparimit, Aparibhashit, Aur Avibhajit Urja/Tatva Ka Pratinidhitva Karti Hai. Isaki Jad Urja Nishkriya Hai.

Doosri Or, Srijan Ki Avastha, Vyavasthit, Gathit, Paribhashit Aur Vibhedit Hai. Misravasiyon Dvara Srijanakal Ki Divya Urja Ko Samagr Roop Mein Atam Kaha Jata Hai.

Srijan, Ityadikal Ki Sabhi Kolahal (Avibhedit Urja/Padarth Aur Chetana) Ki Chhantayi (Kramabaddh Karna/Paribhasha Dena) Hai. Srishti Se Sambandhit Pracheen Misr Ke Sabhi Shastra Ise Achchhi Tarah Se Paribhashit Tatha Spasht Roop Se Seemankit Charanon Mein Pradarshit Karte Hain.

Srijan Ka Pahala Charan Atm-Srijan Ka Hai, Jismein Param Astitva Ne Srishtikarta Aur Paramatma Ke Roop Mein Swaym Ka Srijan Kiya, Yani Atmagat Astitva (Nu/Nyi/Nun) Se Vastugat Astitva (Atam) Mein Roopantarit Hua. Jise Aam Bolchaal Mein Kaha Jaye, To Yeh Bilkul Vaise Hi Hai Jaise Koi Neend (Achetan Avastha, Atmagat Astitva) Se Jag Kar (Sachet Hona, Vastugat Astitva) Swaym Ke Bare Mein Jagarook Ho Jaye. Yeh Thos Dharatal Par Khade Hone Jaisa Hai. Misri Maneesiyon Dvara, Nu/Nyi/Nun Ki Avastha Se Jagane Vale Srishti Ke Is Charan Ko Atam/Atum Kaha Gaya. Unas (Tathakathit Pyramid) Lekhon Mein, Nimnalikhit Prarthana Varnait Hai:

“He Atam, Tujhe Sadar Pranam,
Jo Swaym Astitva Mein A Jaye, Tujhe Sadar Pranam!
Sabse Uttam Kala Tumhari, Sabse Upar  Tera Nam,
Swaym Astitva Mein Ane Vale, Khepari (Ek Banana) Hai Tera Nam.” [§1587]

Atam Ka Matlab Hota Hai, Sarvasv Ki Ekatmakata, Sampoorna. Atam Shabd Ka Mool ‘Tam’ Ya ‘Tamam’ Hai, Jiska Arth Hai ”Poorna Hone Vala” Ya ‘Khatm Karne Vala’.

Pracheen Misri Granthon Mein Atam Ka Arth Hai, Vah Jo Poorna Karta Hai Ya Sampoorna Karta Hai, Aur Re Ki Stuti Mein, Atam Ko Sampoorna Aur Sarvasv Mana Gaya Hai.

Pracheen Misri Lekh Is Bat Par Zor Dete Hain, Ki Sampoorna Satta Mein Sarvasv Samahit Hai. Pracheen Misri Lekh Kehte Hain:

“Main Anek Naamon Aur Anek Roopon Mein Hoon, Aur Mera Astitva Har Neter Mein Maujood Hai.”

Sankhyatmak Roop Se, Ek Koi Sankhya Nahi Hai, Balki Sankhya Ke Mool Tatva Ka Sar Hai, Aur Anya Sabhi Sankhyayen Isi Se Banti Hain. Ek, Adhruvikrit Urja Ke Roop Mein Paramatmakta Ka Pratinidhitva Karta Hai. Atam, Ek Ki Sankhya Ke Roop Mein, Na To Sam Hai Aur Na Hi Visham Balki Vah Sam-Vishum Donon Hai. Atam Na To Nar Hai Aur Na Hi Nari, Balki Vah Donon Hai.

Atam, Srijanakal Ki Kramabaddh Urja Avyooh Ki Samagrata Hai, Jabki Nun, Atmagat Astitva Vala Uchchhrinkhal Urja Yaugik Hai. Brahmanda Ke Andar Maujood Samagr Divya Urja Ko Uske Avyavasthit Avastha Mein Nun Kaha Jata Hai, Aur Uske Srijan Ki Kramabaddh Avastha/Prakriya Vale Bindu Se Use Atam Kaha Jata Hai.

Atam, Nun Ke Bheetar Maujood Urja, Ko Ek Kramabaddh Anukram Mein Mukt Karne Ka, Arthat Use Jivit Karne Ka, Prateek Hai. Yeh Vastugat Astitva Ka Pratinidhitva Karta Hai.

Jaise 0 Aur 1 — 0 Ki Sankhya, Kuchh Bhi Nahi Ya Nahi Ke Barabar Hai, Aur 1 Ka Matlab Sarvasv Hai, Vaise Hi Nun Aur Atam Ek-Doosre Ki Chhaviyan Hain.

 

4. Samast Astitva — Ho Jana

Srijan, Adikal Ki Sabhi Kolahal (Avibhedit Urja/Tatva Aur Chetana) Ki Chhantayi (Kramabaddh Karna/Paribhasha Dena) Hai. Srishti Se Sambandhit Pracheen Misr Ke Sabhi Shastra Ise Achchhi Tarah Se Paribhashit Tatha Spasht Roop Se Seemankit Charanon Mein Pradarshit Karte Hain.

Srishti Ke Beej — Jinmein Se Utpann Sab Kuchh Atam Hai.

Aur Jaise Ek Paudha Beej Ke Bheetar Nihit Hota Hai, Theek Usi Prakar Jagat Mein Utpann Har Cheez Atam Hai.

Pracheen Misri Papyrus Jise Samanyatah Bremner-Rhind Papyrus Ke Nam Se Jana Jata Hai, Mein Atam, Vah Ek Jo Sarvasv Hai, Jagat Ke Swami Ke Roop Mein, Ghosana Karta Hai.

”Jab Maine Swaym Ko Astitva Mein Prakat Kiya, To Astitva Ka Astitva Hua.
Main Astitvavan Ke Roop Mein Astitva Mein Aya, Jo Pahali Bar Mein Astitva Mein Aya.
Astitvavan Ke Astitva Mein Ane Ki Prakriya Dvara Astitva Mein Aya, Isliye Main Astitva Mein Hoon. Aur Is Prakar Astitvavan Astitva Mein Aya.
Doosre Shabdon Mein, Jab Jagat Ka Swami Astitva Mein Aya, Tab Sari Srishti Astitva Mein Ai, Kyonki Us Sampoorna Mein Samast Sammilit Hain.”

 

5. Neteru — Divya Urja

Hamne Abhi Dekha Ki, Jab Jagat Ka Swami Astitva Mein Aya, Tab Sari Srishti Astitva Mein Ayi, Kyonki Us Sampoorna Mein Samast Sammilit Hain.

Srishti Ke Chakra Ka Srijan Aur Palan Divya Shaktiyon Ya Divya Urjaon Dvara Hota Hai. Srishti Ke Nirntar Chakra Jaisi Ye Urjayen, Parivartan Ki Prakriya, Yani Janm-Jeevan Budhapa-Maut-Mrityu Aur Punarjanm Se Ho Kar Gujarati Hain. Manusy Ke Roop Mein, Hamare Pas Bhi Theek Aisi Hi Jeevan Shaktiyan Hain, Jo Hamare Jeevankal Mein Roopantarit Hoti Chali Jati Hain. Hamare Manav Shareer Mein Kayi Chakra Hote Hain, Jo Hamare Jeevan Ke Astitva Ko Niyantrit Karte Hain. Hamari Mrityu Ke Sath Hi Ye Sari Shaktiyan Bhi Mar Jati Hain.

Misravasi Is Divya Urja Ko Neteru Kehte The. Brahmanda Ka Mool Vishay Isaki Chakraeeya Prakriti Hai. Neteru (Neteru) Prakriti (Nature) Ki Vo Shaktiyan Hain, Jinake Dam Par Yeh Sansar Phalta-Phoolta Aur Chalata Hai. Unhein Keval Devi-Devta Kah Dena, Ek Galat Prabhav Chhodta Hai.

Srijan Chakra Mein Swaym Ko Prakat Karne Vali Divya Urja, Jin Ghatak Roopon Ke Madhyam Se Paribhashit Hui, Un Ghatak Roopon Ko Pracheen Misravasiyon Dvara Neteru Kaha Jata Tha. Srishti Ke Srijan Aur Palan Ke Liye Is Divya Urja Ka Purush Tatva Aur Stri Tatva Ke Roop Mein Mana Jana Jaroori Hai.

Isliye, Pracheen Misravasiyon Ne Alaukik Shaktiyan Ko Netert (Stri Tatva) Aur Neter (Purush Tatva) Ke Roop Mein Vyakt Kiya.

Misri Shabd ‘Neter’ Ya Nature (Prakriti) Ya ‘Netajer’ Ka Arth Aisi Shakti Se Hai, Jo Jeevan Ko Utpann Karne Aur Utpann Hone Ke Bad Uska Palan Karne Mein Saksham Hai. Jis Prakar Srishti Ke Sabhi Ang Janm-Jeevan-Mrityu-Punarjanm Ke Chakra Se Gujarate Hain, Theek Usi Prakar Chalak Shaktiyan Bhi Chakra Ke Charanon Se Hokar Gujarati Hain. Isliye Divya Urja Ke Roop, Pracheen Misri Neteru Bhi Janm-Vikas-Mrityu Aur Naveekarn Ke Usi Chakra Se Hokar Gujarate Rahate Hain. Jaisa Plutarch Ne Ullekh Kiya Hai, Ki Yeh Manyata Aam Thi, Ki Prakriti Ki Vibhinn Shaktiyan Jinhein Neteru Kehte Hain, Nirntar Parirtan Ke Adheen, Janm Leti, Ya Banyi Jati Hain, Aur Fir Boodhi Hoti Hain, Marati Hain Aur Fir Unaka Punarjanm Hota Hain.

Hum Iske Liye Caterpillar Ka Udaharan De Sakate Hain, Jo Janm Leta Hai, Jivit Rahata Hai, Fir Apana Hi Cocoon Banata Hai, Jahan Vah Marata Hai Ya Yoon Kahen Ki Ek Titali Mein Parivartit Hota Hai, Vah Titali Ande Deti Hai, Aur Fir Yeh Prakriya Aise Hi Chalati Chali Jati Hai. Yani Hamne Jo Jana Vah Yeh Ki, Urja Ka Ek Svaroop Ya Avastha Se Doosre Svaroop Ya Avastha Mein Chakraeeya Parivartan Hota Rahata Hai.

JalaChakra Iska Ek Aur Udaharan Hai — Jo Jal Vaspit Hota Hai, Vah Badalon Ka Nirman Karta Hai Aur Fir Vapas Dharati Par Barish Ke Roop Mein Baras Jata Hai. Yeh Sabhi, Urja Ke Vibhinn Svaroopon Ka Ek Suvyavasthit Chakraeeya Parivartan Hai.

Jab Aap Neteru Ko Devi-Devta Nahi, Balki Brahmandiya Urja Shakti Mante Hain, Tab Aap Dekh Sakate Hain Ki Pracheen Misri Pranali Kitane Utkrist Dhang Se Brahmanda Ka Pratinidhitva Karti Hai. Darshanik Taur Par, Yeh Prakritik Chakraeeya Parivartan Ek Kahavat Par Sateek Baithati Hai:

“Cheejen Jitani Adhik Badalati Hain, Utni Hi Ve Jas Ki Tas Rahati Hain.”

Vaigyanik Bhasha Mein, Ise Urja Sanrakshan Ka Prakritik Niyam Kaha Jata Hai:

Is Siddhant Ke Anusar Urja Ka Kabhi Hras Nahi Hota Balki Keval Uska Svaroop Badalata Hai, Aur Is Prakar Bhautik Pranali Ki Kul Urja, Jaise Brahmanda Ityadi, Mein Na To Kami Ki Ja Sakati Hai Aur Na Hi Vriddhi.

 

6. Brahmandiya Urja Avyooh Aur Einstein

Srishti Ke Prarambhik Kriyaon Ke Phalswaroop Urja Ka Yeh Avyooh Astitva Mein Aya Aur Iske Silasilevar Prabhav Ke Phalswaroop Brahmanda Bana. Is Avyooh Mein Sangathit Sopan Hota Hai. Astitva Ke Sopan Ka Pratyek Star Sakshat Ishwar Hai — Jiski Rachana Uske Star Ke Theek Upar Vale Star Par Maujood Chetana Ne Ki Hai. Astitva Ke Pratyek Charan Ke Dvara Kiya Jana Vala Atm-Chintan Uske Bad Ke Charan Ko Astitva Mein Lata Hai. Is Prakar, Urja Ka Sopan Paraspar Sambandhit Hota Hai, Tatha Pratyek Star Apne Se Neeche Vale Star Par Kayam Rahata Hai. Urja Ke Is Sopan Ko, Apas Mein Gaharayi Se Sambandhit Prakritik Niyamon Ke Vistrit Avyooh Mein, Bade Hi Suvyavasthit Dhang Se Set Kiya Gaya Hai. Yeh Bhautik Aur Adhyatmik Donon Hota Hai.

Pracheen Misri Aur Baladi, Bhautik Shareer Ke Adhyatmik Avastha Ke Beech Koi Bhed Nahi Karte The/Hain. Is Tarah Ka Antar Ek Manasik Bhram Hai. Hum Ek Sath, Sarvadhik Adhyatmik Se Lekar Sarvadhik Bhautik Tak, Kayi Alag-Alag Staron Par Rahate Hain. Inheen Siddhanton Ko Einstein Bhi Mante Hain. Einstein Ke Sapekshata Ke Siddhant Ke Bad Se, Yeh Vidit Aur Sveekrit Hai Ki Padarth Urja Ka Ek Svaroop Hain, Yani Padarth Sanghanit Aur Jami Hui Urja Hai. Padarth Ya Dravyaman Ke Sanrakshana Ke Prakritik Niyam Bhi Yehi Kahata Hai Ki, Padarth Kisi Bhi Bhautik Ya Rasayanik Parivartan Ke Dauran Nasht Nahi Hota Hai.

Urja, Alag-Alag Gati Se Chalane Ya Ghoomane Vale Anuon Se Banti Hai. “Bhautik” Jagat Mein, Anu Behad Dheemi Aur Sthir Gati Se Ghoomate Hain. Yehi Karan Hai Ki, Sansarik Anubhooti Mein Hamein Cheezen Thos Dikhayi Deti Hain. Gati Jitani Dheemi Hoti Hai, Cheezen Utni Hi Adhik Saghan Ya Thos Hoti Hain. Adhyatmik (Atma) Sansar Mein, Anu Bahut Tej Ya Paralaukik Ayam Mein Knpan Karte Hain — Atah Vahan Cheejen Mukt Aur Kam Saghan Hoti Hain.

Is Prakar Dekha Jay, To Brahmanda Mool Roop Se Urja Ke Alag-Alag Kram Aur Ghanatv Ka Ek Sopan Hai. Hamari Indriyan Keval Bahut Adhik Ghanatv Vali Kuchh Urjaon, Arthat Tatvon Ka Hi Anubhav Kar Pati Hain. Is Prakar, Urja Ka Sopan Paraspar Sambandhit Hota Hai, Tatha Pratyek Star Apne  Se Neeche Vale Star Par Kayam Rahata Hai. Urja Ke Is Sopan Ko, Apas Mein Gaharayi Se Sambandhit Prakritik Niyamon Ke Vistrit Avyooh Mein, Bade Hi Suvyavasthit Dhang Se Set Kiya Gaya Hai. Yeh Bhautik Aur Adhyatmik Donon Hota Hai.

Sarvabhaumik Urja Avyooh Is Sansar Ko, Manusyon (Jeevit Aur Mrit), Pashuon, Ped-Paudhon, Tatha Prakritik Aur Alaukik Cheezon Ke Beech Sambandhon Vali Jatil Pranali Ke Utpad Ke Roop Mein Rakhata Hai. Is Tark Ko Akshar Jadatmavad Ya Jeevavad Kaha Jata Hai, Kyonki Is Mat Ka Buniyadi Siddhant Hai, Ki Jeevan Shaktiyon Ke Karan Hi Sabhi Cheezen Sajeev (Sakriya) Hain. Jaisa Ki Gatij Siddhant Mein Sveekar Kiya Gaya Hai, Har Vastu Ka Pratyek Sookshm Kana Nirntar Gatisheel, Yani Sakriya Hota Hai. Doosre Shabdon Mein Kahen To Sab Kuchh Sajeev (Sakriya) Hai — Pashu, Ped, Chattan, Pakshiyan, Yehan Tak Ki Hava, Sooraj Aur Chand, Yani Sab Kuchh.

Urja Ke Teevr Svaroop — Ye Urjayen Brahmanda Mein Adrishya Hoti Hain — Ko Bahut Se Log Atma Bhi Kehte Hain. Anuon Ki Alag-Alag Gatiyon Ke Anusar, Urja Ya Atma, Ghanatv Ke Alag-Alag Kramon Mein Sangathit Hoti Hain. Ye Teevr (Adrishya) Urjayen Vishesh Kshetraon Mein Nivas Karti Hain, Ya Kisi Vishesh Prakritik Cheez Se Judi Hoti Hain. Atmayen (Urjayen) Ek Parivar Jaise (Paraspar Sambandhit Samoohon Mein) Rahati Hain.

Urjayen Apne Ichchhanusar, Manav, Pashu, Paudhe, Ya Aur Adhik Saghan Urja (Padarth) Vala Koi Bhi Anya Roop Dharana Kar Sakati Hain. Atma Janm Ke Samay Manav Ke Shareer Ko Sajeev Karti Hai, Tatha Mrityu Ho Jane Par Chhod Deti Hai. Kabhi-Kabhi, Kisi Shareer Mein Ek Se Adhik Urjayen Ya Atmayen Mein Pravesh Kar Jati Hain.

Hum Akshar Sunate Hain Ki ‘Amuk Vyakti Ki Manasik Halat Theek Nahi Hai’, Ya ‘Falan Adami Pagal Ho Gaya Hai’, Ya ‘Kisi Par Kuchh Savar Ho Gaya Hai’, Ya ‘Koi Vyakti Bahugunait Vyaktitva Ka Shikar Ho Gaya Hai’. Hum Sab Par Urjaon (Atmaon) Ka Thoda Bahut Asar Padta Hai.

Baladi Aur Pracheen Misravasiyon Dvara Bahut Pehle Se Yeh Mana Jata Raha Hai Ki Har Cheez Mein Urja Maujood Hai. Shabaka Prastar-Patat (Athaveen Sadi B.C.) Mein Spasht Roop Se Kaha Gaya Hai, Ki Har Patthar, Khanij, Lakadi, Ityadi Mein Brahmandiya Urjayen (Neteru) Maujood Hain:

”Aur Is Prakar Neteru (Devi-Devta) Ne Apne  Shareer Mein Pravesh Kiya, Har Prakar Ki Lakadiyon Mein, Har Prakar Ke Khanij Mein, Har Prakar Ki Mitti Mein, Uske (Arthat Prithvi) Upar  Ugane Vali Har Cheez Mein.”

 

7. Neteru Aur Farishte

Divya Urjayen/Shaktiyan/Takaten Neteru (Devi-Devta) Hain, Jinhonne Apne  Antahkriyaon Aur Gatividhiyon Ke Zarie Brahmanda Ka Srijan Aur Palan Kiya Tatha Karte Hain.

Neteru (Devi-Devta), Aur Unke Karyaon Ko Bad Mein Anya Logon Ne Swargadooton Ke Roop Mein Sveekar Kiya. Mrit Sagar Ke Pas Qumran Ke Gufa Mein Paye Gaye Deuteronomy (32:43), Ke Song of Moses Mein Bahuvachan Mein Devtaon Shabd Ka Ullekh Hai:

”He Akashon, Hars Karo, He Devtaon Use Pranam Karo.”

New Testament (Hebrews, 1:6), Mein Jab Is Ansh Ko Uddhrit Kiya Gaya Tab Devtaon Shabd Ko ‘Parameshvar Ke Sab Swargadoot’ Shabd Se Badal Diya Gaya.

Brahmanda Ke Staron/Dayaron Mein, Neteru Ki Alag-Alag Shreniyan (Eisayi Dharam Mein Bhi Inhen Swargadooton Aur Uchch Shreni Ke Swargadooton (Archangels) Ke Roop Mein Jana Jata Hai) Hoti Hai.

 

8. Srishti Chakra

Srishti Ki Pranali, Anivarya Lalasa Ya Srot Ki Or Pratyavartan Ke Sath Anivarya Nirgaman Aur Yatra Karne, Ya Alokit Hone Ki Pranali Hai: Astitva Ke Sabhi Roop Aur Charan, Divyata Se Pravahit Hote Hain Tatha Vapas Vaheen Lautane Aur Rahne Ke Liye Prayas Karte Hain.

Sabhi Akashagngaon Ko Bahar Ki Or Le Jane Vale, Big Bang Se Nikale Niskasan Bal Ko Gurutvakarsana/Sankuchan Balon Dvara Roka Jata Hai, Jo Akashagngaon Ko Pas Kheenchata Hai. Vartaman Samay Mein, Sankuchan Balon Ki Apeksha Bahar Ki Or Dhakelane Vale Bal Adhik Hain, Isliye Brahmanda Ki Seema Mein Abhi Bhi Vistar Ho Raha Hai.

Vaigyanik Hamein Batate Hain Ki Bhavishya Mein Ek Samay Ayega Jab Brahmanda Ka Vistar Ruk Jayega Aur Vah Chhota Hone Lagega. Big Bang Ke Aag Ke Gole Se Nikala Microwave Vikirana (Jo Abhi Bhi Charon Or Badh Raha Hai) Sikudne Lagega Aur Garm Ho Jayega, Tatha Fir Se Rang Badalega Jab Tak Ki Vah Ek Bar Punah Dikhayi Nahi Dene Lagega. Asaman Lal Ho Jayega, Fir Narangi Hoga, Fir Peela, Aur Fir Safed Ho Jayega, Aur Fir … Big Crunch Ke Sath Khatm Ho Jayega. Yani Sabhi Tatva Aur Brahmanda Mein Maujood Sare Vikirana Ek Sath Ek Ikayi Mein Vileen Ho Jayenge.

Ekeekrit Ho Chuke Sikude Brahmanda — Neutron Soup — Ke Liye Big Crunch Apne Aap Mein Ant Nahi Hai, Balki Vah Ek Nayi Srishti Ki Sambhavana Hai, Jise Big Bounce Kaha Jata Hai. Ashchary Ki Bat Nahi Hai, Ki Pracheen Misri Granthon Mein Bhi Big Crunch Aur Big Bounce Misr Ki Aam Prateekatmak Bhasha Mein Varnait Hai.

Misri Taboot Lekh, Spell 130 Mein Ise Is Prakar Se Bataya Gaya Hai,

”Vibhedit Srijan Ke Lakhon Varshon Ke Bad, Srijan Se Pehle Vala Kolahal Vapas Laut Ayega. Keval Paramatma (Atam) Aur Aus-Ra Bachenge … Dik Aur Kal Alag-Alag Nahi Honge.”

Pracheen Misri Lekh Hamein Do Binduon Ke Bare Mein Batate Hain: Ismein Pahala Bindu Hai, Srishti Chakra Ke Ant Mein Srijit Brahmanda Ka Kolahal Ke Daur Mein Vapas Lautana, Jise Big Crunch Ke Roop Mein Jana Jata Hai. Aur Doosra Bindu Hai, Brahmanda Ke Ek Naye Chakraeeya Punarjanm Ki Sambhavana, Jise Prateekatmak Roop Se Aus-Ra Ke Roop Mein Darshaya Gaya Hai.

Misr Mein Devi-Devtaon Ke “Namon” Ke Zarie Kya Darshaya Gaya Hai, Use Janane Ke Liye Chaliye Kuchh Kshana Ke Liye Hum Yehan Thaharate Hain.

Aus-Ra Mein Do Shabd Hain. Shabd Aus Ka Matlab ‘Ki Shakti’, Ya ‘Ka Mool’ Hai. Is Prakar, Aus-Ra, Ka Matlab Hua ‘Ra Ki Shakti’, Arthat ‘Ra Ka Punarjanm’.

Pratyaksh Mrityu Se Jeevan Ki Utpatti Ke Siddhant Ko Aus-Ra Kaha Jata Hai/Tha, Jo Naveekarn Ki Shakti Ka Prateek Hai. Janm, Jeevan, Mrityu Aur Punah Punarjanm Vali Srishti Ki Chakraeeya Prakriti, Pracheen Misri Granthon Ka Mukhya Vishay Hai.

 

[isaka ek ansh:Misr Ka Brahmanada Vigyan:Sajeev Brahmanada, Teesra Sanskaran dvaara likhit Moustafa Gadalla]

par pustak saamagree dekhen https://egypt-tehuti.org/product/misr-ka-brahmanada-vigyan/

————————————————————————————————————————–

Pustak kray aautalet: 

e – printed peparabaik amejan se upalabdh hain.

—–
bee – peedeeeph praaroop mein upalabdh hai …
i- svaroop vikalp daeen or.
ii- googlai pustaken aur googlai play
—–
ch- mobee praaroop mein upalabdh hai …
i- svaroop vikalp daeen or.
ii- amezan
—–
d- eepab praaroop mein upalabdh hai …
i- daeen or ithai praaroop vikalp.
ii- googlai pustaken aur googlai play
iii- ibooks, kobo, b & n (nook) aur smashwords.chom