Srijan Prakriya Ka Misri Vrittant

Srijan Prakriya Ka Misri Vrittant

 

1. Avirbhav Ke Vibhinn Svaroop Aur Paksh 

Jaise Ki Pehle Bataya Ja Chuka Hai, Srishti Ke Prarambhik Kriyaon Ke Phalswaroop Urja Ka Sarvabhaumik Avyooh Astitva Mein Aya Aur Iske Silasilevar Prabhav Ke Phalswaroop Brahmanda Bana. Is Avyooh Mein Sangathit Sopan Hota Hai. Astitva Ke Sopan Ka Pratyek Star Sakshat Ishwar Hai — Jiski Rachana Uske Star Ke Theek Upar Vale Star Par Maujood Chetana Ne Ki Hai. Astitva Ke Pratyek Charan Ke Dvara Kiya Jana Vala Atm-Chintan Uske Bad Ke Charan Ko Astitva Mein Lata Hai. Is Prakar, Urja Ka Sopan Paraspar Sambandhit Hota Hai, Tatha Pratyek Star Apne Se Neeche Vale Star Par Kayam Rahata Hai. Urja Ke Is Sopan Ko, Apas Mein Gaharayi Se Sambandhit Prakritik Niyamon Ke Vistrit Avyooh Mein, Bade Hi Suvyavasthit Dhang Se Set Kiya Gaya Hai. Yeh Bhautik Aur Adhyatmik Donon Hota Hai.

Sansar Ki Utpatti Aur Uske Srijan Mein Bhag Lene Vale Neteru (Devi-Devta) Ki Prakriti, Misravasiyon Ke Liye Nirntar Ruchi Ka Vishay Raha.

Pracheen Misravasiyon Ke Pas Brahmanada Sambandhi Shikshan Ke Char Mukhya Kendra The: Heliopolis, Memphis, Thebes, Aur Khmunu (Hermopolis). Pratyek Kendrane Utpatti Ke Mool Charanon Ya Pakshon Mein Se Kisi Na Kisi Ko Udghatit Kiya. Srijan Ke Aise Sabhi Vivaranaon Mein, Brahmanda Ki Urja Avyooh Ke/Mein Kramabaddh Gathan Ko Lekar Sabhi Ekamat Hain.

2. Misr Ka Brahmanada Vigyan Aur Roopak

Sarvabhaumik Niyamon Ki Ek Poorna Aur Sateek Samajh Ke Adhar Par Misri Sabhyata Ki Samagrata Nirmit Hui Thi. Unki Yeh Gahan Samajh, Niyamit, Susangat Aur Paraspar Sambadhit Pranali Mein Prakat Hoti Hai, Jahan Kala, Vigyan, Darshan Aur Dharma Apas Mein Gunthe Hue The, Aur Ek Moolabhoot Ikayi Ke Roop Mein Lagu Hote The.

Misr Ka Brahmanada Vigyan Susangat, Vaigyanik Aur Darshanik Siddhanton Par Adharit Hai. Brahmanada Sambandhi Pracheen Misri Gyan Ko Ek Kahani Ke Roop Mein Vyakt Kiya Gaya Tha, Jo Bhautik Aur Adhyatmik Avadharanaon, Donon Ko Vyakt Ka Ek Behatareen Tareeka Hai. Koi Bhi Achchha Lekhak Ya Vyakhyata Is Bat Ko Janata Hai Ki Kahaniyan Kisi Cheez Ke Vyavahar Ki Vyakhya Karne Ke Liye Pradarshani Ki Tulana Mein Kaheen Zyada Behatar Sabit Hoti Hain, Kyonki Inake Alag-Alag Anshon Ka Ekdoosre Ke Sath Aur Samooche Kahani Ke Sath Apasi Talamel Ko Mastishk Kaheen Adhik Asani Ke Sath Sahej Leta Hai. Janakari Jabatak Samajh Mein Tabdeel Nahi Ho Jati, Tab Tak Vo Bekar Hoti Hai.

Misri Akhyanon Ne Tathyaatmak Jativachak Sangyaon Aur Visheshanaon Ko, Vyaktivachak Magar Sankalpanatmak Sangyaon (Guno Ke Sanket) Mein Badal Diya. Iske Alava, Unaka Manaveekarn Kiya Gaya Taki Unhein Susngat Aur Sarthak Akhyanon Mein Buna Ja Sake. Manaveekarn Karna Unke Is Gyan Par Adharit Tha, Ki Ishwar Ki Chhavi Se Manusy Nirmit Hua Hai, Atah Manav Srishti Ki Samast Nirmit Chhavi Ka Prateek Hai.

Roopak, Gyan Pradan Karne Ke Liye Janaboojhakar Chuna Gaya Ek Sadhan Hai. Roopak, Brahmandiya Niyamon, Siddhanton, Prakriyaon, Sambandhon Tatha Karyaon Ko Natakeeyata Pradan Karta Hai, Aur Unhein Samajhana Asan Band Hai. Roopak Ka Bheetari Arth Jab Ekabar Khul Jata Hai, To Ve Vaigyanik Aur Darshanik Poornata Aur Sankshiptata Ke Chamatkar Ban Jate Hain. Ve Jitana Adhik Padhe Jate Hain, Utana Adhik Samriddh Hote Chale Jate Hain. Pratyek Kahani Mein Piroe Gaye Shikshaprad ‘Antarik Ayam’, Shrota Ke Vikas Ki Avastha Ke Anusar, Gyan Ki Anekon Paraten Kholane Mein Saksham Hote Hain. Jaise Hi Koi Uchchatar Avastha Mein Vikasit Hota Hai, ‘Raaz’ Ki Paraten Khulati Chali Jati Hain. Hum Jitana Ooncha Jate Hain, Utana Hi Zayada Dekh Pate Hain. Jo Ki Hamesha Se Vaheen Par Hota Hai.

Misravasiyon (Pracheen Misravasi Aur Vartaman Baladi) Ne Kabhi Apne Roopakon Ko Aitihasik Tathya Nahi Mana. Unhonne, Kahaniyon Ke Peechhe Chhipi Sachchayi Par Vishvas Kiya.

Is Pustak Mein, Char Manaveekrit Avadharanaon-Isis, Osiris, Horus, Aur Set Ke Madhyam Se, Kahani Ke Roop Mein Kayi Vishayon Ko Bataya Jayega. Is Prakar Ke Char Vishay Honge:

1 – Isis Aur Osiris, Saur Aur Chandra Tatvon Ka Pratinidhitva Karenge.

2 – Sansar Ke Char Tatvon (Jal, Agni, Prithvi, Aur Vayu) Ko Kramashah Osiris, Set, Isis Aur Horus Ke Roop Mein Prastut Kiya Jayega.

3 – Osiris Aur Isis Aur Unke Bete Horus, Tatha Uske Chacha Set, Ki Pauranaik Katha Mein Adars Samajik Dhanche Ko Vyakt Kiya Gaya Hai.

4 – Jyotish Aur Trikonamiti, Ke Sath-Sath Hi Trimurti/Tray/Trikon Ki Brahmandiya Bhoomika Samakona Tribhuj 3:4:5 Ke Saman Hoti Hai, Jise Pita (Osiris), Maa (Isis), Aur Bete (Horus), Ke Beech Rishte Ke Roop Mein Darshaya Gaya Hai.

Misravasiyon Dvara Shanadar Tareeqe Se Likhe Gaye Rahasyamay Natak, Gyan Pradan Karne Ke Liye Janaboojhakar Chune Gaye Sadhan Hain.

Arth Aur Rahasyamay Anubhav, Ghatanaon Ki Shabdik Vyakhya Se Bandhe Hue Nahi Rahate. Akhyan Ka Bheetari Arth Jab Ekabar Khul Jata Hai, To Ve Vaigyanik Aur Darshanik Poornata Aur Sankshiptata Ke Chamatkar Ban Jate Hain.

Ve Jitana Adhik Padhe Jate Hain, Utana Adhik Samriddh Hote Chale Jate Hain.

Aur Akhyan Mein Piroe Gaye Hone Ke Karan, Na To Kabhi Ansh Ko Sampoorna Samajhe Jane Ki Galati Ho Sakati Hai, Aur Na Hi Iske Karyaatmak Mahatva Ko Vismrit Ya Vikrit Kiya Ja Sakta Hai.

 

3. Srijan Chakra Ke Teen Prathamik Charan

Pracheen Misri Granthon Mein, Srijan Chakra Ke Anukram Ko Teen Prathamik Charanon Mein Chitrit Kiya Gaya Hai. Theek Isi Chitrana Ko Bad Mein Sufi (Tatha Any) Lekhanon Mein Doharaya Gaya. Is Prakar Ke Triayami Chitrana Ke Teen Mukhya Pracheen Misri Srot Nimnalikhit Hain:

A- Pyramid Lekh: Kam Se Kam 5,000 Sal Purane Pyramid Lekhon Mein, Srijan Chakra Ke Teen Charanon Ke Saman Hi, Devtaon Ki Teen Samoohon Ka Varnan Hai, Jiske Pratyek Samooh Mein 9 Neteru (Devi-Devta) Shamil The. Pyramid Lekhon Mein, 9 Neteru (Devi-Devta) Ke Ek Samooh (Nauratna), Ya 2 Samooh Ya 3 Samoohon Ka Bar-Bar Ullekh Kiya Gaya Hai.

Misri Lekh Nauratna Ke Teen Samoohon Ki Bat Karte Hain — Jismein Se Pratyek Srishti Chakra Ke Ek Charan Ka Pratinidhitva Karta Hai. Nau Pratyek Charan Ki Sankhya Hai — Pratyek Charan 9 Ki Sankhya Mein Agale Charan Ko Janm Deta Hai.

Pahala (Mahan) Nauratna, Sankalpanatmak Ya Divya Charan Ka Pratinidhitva Karta Hai. Yeh Re Dvara Shasit Hota Hai.

Doosra Nauratna, Abhivyakti Vale Charan Ka Pratinidhitva Karta Hai. Yeh Osiris Dvara Shasit Hota Hai.

Teesara Nauratna, Srot Ki Or Vapasi Vale Charan Ka Pratinidhitva Karta Hai — Yeh Osiris Aur Re Dono Ka Sanyog Karta Hai.

Osiris Aur Re Donon Ki Atmaon Ka Milan Ho Jata Hai Aur Ve Ek Ikayi Ban Jati Hain, Ujale Mein Ane Ki Pustak, Mein Bahut Hi Arthapoorna Dhang Se Iska Varnan Kiya Gaya Hai:

            Main Uske Jode Mein Uski Do Atma Hoon.

B- Re Ki Stuti: Ek Snkshipt Prastavana Ke Bad Stuti Mein, Re Ke Svaroopon Ki Pachahattar Stutiyan Hain, Jiske Bad Prarthana Aur Bhajan Ki Ek Shrrinkhala Hai, Jismein Re Aur Osiris Ki Pahachan Par Lagatar Zor Dala Gaya Hai.

Pracheen Misri Granthon Par, Osiris Tatha Re Ka Nirantar Chakra Havi Hai. Pehle Charan Mein Re Ki Svaroopon Mein Abhivyakti Hai. Doosre Charan Mein Osiris Ki Svaroopon Mein Abhivyakti Ati Hai. Teesara Aur Antim Charan, Do Kshitijon Ke Naye Re-Herakhuti Ko Ekasath Milane Aur Punarjeevit Karne Ke Liye Pataal Mein Ghatit Hota Hai.

C- Leiden Papyrus J350: Yeh Pracheen Misri Dastavej Kam Se Kam Pracheen Rajvansh (2575-2150 B.C.) Jitana Purana Hai, Jiski Ek Prati Ki Punarrachana, Terahvi Sadi Eisa Purva Ramses Dviteey Ke Shasankal Ke Dauran Hui.

Leiden Papyrus J350: Mein Srishti Ke Pracheen Akhyan Ke Tatvik Pahaluon Ka Varnan Karne Vali Vistarit Rachanayen Hain. Papyrus Ki Garna Ki Pranali, Srishti Ke Tatvon/Pakshon Ki Pahachan Karti Hai, Tatha Pratyek Iske Prateekatmak Sankhya Ke Sath Mel Khati Hai.

Yeh Pandaulipi ‘Padon’ Ki Sankhyankit Shrrinkhalaon Mein Banti Hui Hai, Tatha Inamein Pratyek Ka Sheershak ”Bhavan, (Chand Ke) Sankhya …” Ke Roop Mein Hai.

Vaise Misri Papyrus Ki Garna Pranali Apne Aap Mein Swaym Mahatvapurna Hai. Ve Teen Shreniyon Mein Vibhajit Hoti Hain-Pahali Shreni 1 Se 9 Ki Hoti Hai, Fir Doosri Shreni Bhautik Svaroop Ke Urjavan Neenv Ka Gathan Karne Ke Liye 10, 20, 30, 90 Ke Ghaton Mein Hoti Hain–Aur Teesri Shreni Saikade (100) Vali Sankhyaon Ki Hoti Hai.

Is Garna Pranali Se Srishti Ke Teen Charanon Se Pata Chalata Hai.

1. Pahala Charan Hai Garbhakal/Nauratna Ka, Jiska Vishay Avibhedit Urja/Padarth Se Ghira Ek Aisa Kshetra Hai, Jisase Sansar Ki Utpatti Hone Vali Hai.

2. Kramabaddh Abhivyakti Ki Avastha/Nauratna Vala Doosra Charan, Utpann Jagat Ke Do Bhavy Up Vibhajanon, Pratibhasik Aur Tatvik Samatalon Se Sambadhit Hai.

3. Punarmilan/Nauratna Vale Teesare Charan Ka Vishay, Srot Ki Or Vapasi Tatha Uske Bad Hone Vali Punah Ekeekarna Ki Prakriya Hai, Jo NAYE Alpha (Armbh) Ki Or Jati Hai.

(Srishti Chakra Ke Teenon Charanon Ki Vistrit Janakari Ke Liye Moustafa Gadalla Dvara Likhit Egyptian Alphabetical Letters of Creation Cycle Dekhen.)

 

[isaka ek ansh:Misr Ka Brahmanada Vigyan:Sajeev Brahmanada, Teesra Sanskaran dvaara likhit Moustafa Gadalla]

par pustak saamagree dekhen https://egypt-tehuti.org/product/misr-ka-brahmanada-vigyan/


Pustak kray aautalet: 

e – printed peparabaik amejan se upalabdh hain.

—–
bee – peedeeeph praaroop mein upalabdh hai …
i- svaroop vikalp daeen or.
ii- googlai pustaken aur googlai play
—–
ch- mobee praaroop mein upalabdh hai …
i- svaroop vikalp daeen or.
ii- amezan
—–
d- eepab praaroop mein upalabdh hai …
i- daeen or ithai praaroop vikalp.
ii- googlai pustaken aur googlai play
iii- ibooks, kobo, b & n (nook) aur smashwords.chom